ISA KA PERSONA ARESTADO SA DRUG BUY BUST OPERATION SA BATAD
snapshot from RadyoTimbookFBPAGE
Takna alas 3 sang kaagahon, Agusto 20, 2022, arestado ang isa ka persona sa drug buy bust operation nga ginkasa sa Barangay Batad Viejo, Batad, Iloilo.
Ginkilala ang arestado nga si Darwin Exclamado y Enojales, 26 anyos, soltero kag residente sang Brgy. Bulaquena, Estancia, Iloilo.
Sa tingob nga pwersa sang Batad MPS SDET sa pagpanguna ni PLT JAYPEE D SILVESTRE, IPPO-PDEU sa pagpanguna ni PCPT HAROLD A RENDORA, 2nd IPMFC sa pagpanguna ni PLTCOL ELMER S MAGBANUA sa idalom sang superbisyon ni PCOL ADRIAN V ACOLLADOR, APD, IPPO, sa koordinasyon sang PDEA-RO6 ang nagresulta sa pag aresto sa nasambit nga persona.
Nabaklan sang police posuer-buyer sang isa(1) ka plastic sachet nga ginasuspetsahan iligal nga druga ukon shabu sa balor nga Dos Mil Pesos (P2,000) ang arestado.
Nakuha sa iya posisyon ang mga masunod: Pito (7) plastic sachets sang ginasuspetsahan iligal nga druga ukon shabu lakip na ang buy bust item nga nagabug-at sa kapin 10 ka gramo nga may balor sang bulubanta sisenta 'y otso mil pesos (P68,000), Dos Mil Pesos nga Buy-bust money, Isa (1) ka wallet nga nagaduag Silver kag itom, Isa (1) ka motorsiklo kag iban pa guid nga drug paraphernalia.
Subong, yara na sa hinakop sang Batad MPS ang nasambit nga suspetsado lag magapangatubang sa kaso nga R.A. 9165
ukon "Dangerous Drugs Act of 2002".
SOURCES: RADYO TIMBOOK
📸 Batad MPS
Comments