NATIONAL: BUCOR CHIEF KAG BUCOR DIRECTORATE FOR SECURITY AND OPERATION, PASAKAAN SANG KASO NGA MURDER BILANG MASTERMIND SA PAGPATAY KAY PERCY LAPID KAG KAG SA MIDDLE MAN NGA SI JUN VILLAMOR.
Pasakaan sang kaso nga murder sanday Suspended Bureau of Corrections Chief, General Gerald Bantag bilang mastermind sa pagpatay sang batikan nga broadcaster nga si Percy Lapid kag Bureau of Corrections Directoratefor Security and Opeartions SJ02 Ricardo Zuluetsa nga amo ang nag-facilitate sa pagpatay.
Sila ang napamatu-an nga suspect matapos ang maid-id nga imbestigasyon sang National Bureau of Investigation ukon NBI kag paagi man sa mga statement nga ginhatag sang apat ka mga gang commanders sa sulod sang New Bilibid Prison.
Ang amo nga mga commanders amo sanday Denver Mayores, Alvin Labra, Aldrin Galicia kag Alfie Peñaflorida.
Ang statement nga ginhatag sang apat ka mga gang commanders ang nagpatin-aw sa imbestigasyon sang NBI kun sa diin ini nagatudlo nga kay Suspended Bureau of Corrections Chief, General Gerald Bantag kag Bureau of Corrections Directoratefor security and Opeartions SJ02 Ricardo Zuluetsa naghalin ang sugo sa pagpatay sa broadcaster.
Ang amo nga mga gang commanders ang nagsugo kay Jun Villamor sa pagpangita sang gunman para kay Percy lapid.
Si Joel Escorial ang ginpalapitan ni Villamor kag gintanyagan sang P550,000 bilang bayad sa pagpatay sa broadcaster.
Nahibaluan nga si joel Escorial ang nagsungka sa kapulisan bangud sa kahadlok para sa iya kabuhi bangud sa pagpaguwa sang mga kapulisan sang iya nga litrato.
Samtang si Villamor ang ginpatay sa sulod sang New Bilid Prison paagi sa pag-suffocate, pareho nga adlaw nga ginhingadlan siya ni Escorial bilang middleman sa amo nga kremin.
Ang motibo sa pagpatay kay Lapid amo ang padayon nga pag-expose sang broadcaster sa iya programa nga Lapid Fire sa mga ginapanghimo ni Bantag.
Mgaluwas sa kaso nga ipasaka sang kampo ni Lapid, pasakaan pagid ang mga ini sang amo man nga kaso sa pagpatay sa middle man nga si Jun Villamor.
Ang motibo sa pagpatay kay Villamor amo ang pagtabon kun tani sa imbestigasyon sa kamatayon sang broadcaster.
via: ABSCBN, XFM ILOILO, WEB
-photo from web
Comments